Turbòsłowiańskô bùcha

Z Turbòsłowianów to mòże miec szpôs. Deja tegò, że më Słowianowie mielë swòje Jimperium, bò doch tak je w Słowiańsczich Wedach napisóné dôwô ùcéchã i nie traktëjemë tegò jakno zagróżbã, le jakno òsoblëwą apartnosc. Mie równak, czej sã z tim pòtikóm je zwëczajno smùtno.

Hewò lëdze chtërny wiedzą, że do dobëcô kreditowi zdolnoscë mają baro dalek, a jak ju bórg wezną tej całé żëcé gò mdą spłacywac; młodi co nie chcą wëjachac, a tuwò kòżdi dzesąti dzéń miesąca mdze wëzdrzôł jak z Dnia Świra szëkają za czims co jima dô sã lepi pòczëc. Żëjący w kraju jaczi nie je ani jak ten bògati zôpad, ani ten óst co przënômni sã nie czerëje, a jegò knez le napinô mùskle przed całim swiatã, ti młodi widzący, że kògò pòd dãbama na wiecu do władzë nie wëbierzą to i tak mdze lëchò; wiedzący, że gãslarze ni mają czegò sławic w dzysészich czasach prosto wòlą bëc kòsmicznyma wnukama Dadżbòga jaczi w swòjëch ùdbónëch genach mają panowanié, bògactwò, bùchã i dobroc. Bò gdze òni to mają miec?

Leave a Reply

Your email address will not be published. Required fields are marked *